Diabetes at ang Iyong Anak: Mga Pagsusuri at Bakuna

Mga pagsusuri

Ito ang pinakakaraniwang mga pagsusuri na kailangan ng mga batang may diabetes. Dapat gawin ang mga pagsusuring ito nang kasing dalas ayon sa nakasaad sa ibaba, maliban kung binigyan ka ng ibang payo ng team ng tagapangalaga ng kalusugan:

• Taas at timbang (bawat pagbisita). Sinasabi sa iyo ng pagmamasid sa paglaki ng iyong anak kung mabuti ang pangkalahatang kalusugan ng iyong anak.

• Presyon ng dugo (bawat pagbisita). Ginagamit ang mga pagsusuri ng presyon ng dugo upang bantayan ang kalusugan ng puso at mga daluyan ng dugo ng iyong anak.

• A1C (bawat 3 buwan). Sinusukat ng pagsusuring ito ang katamtamang lebel ng asukal sa dugo ng iyong anak sa nakalipas na ilang buwan.

• Mga pagsusuri ng albumin sa ihi at proporsyon ng albumin sa creatinine (albumin to creatine ration o ACR) (1 beses sa isang taon). Ipinapakita ng pagsusuring ito kung gaano kahusay na gumagana ang mga bato ng iyong anak.

• Mga lipid (bawat 1 hanggang 2 taon). Tinitingnan ng pagsusuring ito ang mga taba sa dugo (mga lebel ng lipid) upang tingnan ang kalusugan ng daluyan ng dugo.

• Paggana ng thyroid (1 beses sa isang taon). Tinitingnan ng pagsusuring ito ang antas ng thyroid hormone ng iyong anak, na siyang tumutulong sa paglaki. Mas malamang na mawawalan ng kakayahang gumawa ng thyroid hormone ang mga taong may diabetes.

• Celiac disease (1 beses sa isang taon, kung kinakailangan). Tinitingnan sa pagsusuring ang isang antibody. Ang antibody ay maaaring mangahulugan na hindi gumagana nang maayos ang sistema ng panunaw ng iyong anak dahil sa isang alerhiya sa gluten na nasa trigo. Humigit-kumulang sa 10% ng mga taong may type 1 diabetes ang may celiac disease.

• Dilated eye exam o pag-eksamin ng dilat na mata (sa una, 5 taon pagkatapos ng diagnosis). Maaaring ipayo ng tagapangalaga ng kalusugan ng iyong anak na magpasuri nang mas maaga o mas madalas. Sa mga pag-eksamin ng mga mata, hinahanap ang pinsala sa mga daluyan ng dugo sa mga mata (retinopathy).

• Paa (bawat pagbisita). Sinusuri ang mga paa para sa mga lugar ng presyon, pinsala, o sugat.

Mga bakuna

Dapat magkaroon ang iyong anak ng mga bakunang nasa ibaba. Karagdagan ang mga ito sa mga inirerekomendang rutina ng mga bakuna sa pagkabata:

• Bakuna laban sa influenza o trangkaso (1 beses sa isang taon). Tinatawag din itong bakuna sa flu. Sa pagkakaroon ng trangkaso, magiging mas mahirap ang pagpapanatiling malusog ang mga lebel ng asukal sa dugo ng iyong anak.

• Pneumonia o pulmonya (hindi bababa sa 1 beses, kung kinakailangan). Maaaring malubhang problema ang pulmonya para sa mga batang may diabetes. Itanong sa tagapangalaga ng kalusugan ng iyong anak kung gaano kadalas kailangan ng iyong anak ang bakunang ito.

Pagpapatingin sa dentista

Dapat magpatingin ang iyong anak sa dentista nang hindi bababa sa 2 beses sa isang taon. Ito ay dahil makapipinsala ang mataas na asukal sa dugo sa ngipin at mga gilagid ng iyong anak sa paglipas ng panahon. Maaari ding pataasin ang asukal sa dugo ng hindi magandang pangangalaga sa ngipin. Siguraduhin na nagsisipilyo at gumagamit ng floss ang iyong anak nang hindi bababa sa 2 beses sa isang araw. Sabihin sa sinumang nangangalaga sa mga ngipin ng iyong anak na may diabetes ang iyong anak.

Saan matututo nang higit pa

Para sa karagdagang impormasyon tungkol sa diabetes, bisitahin ang mga website na ito:

• American Diabetes Association www.diabetes.org

• Children with Diabetes www.childrenwithdiabetes.com

• Juvenile Diabetes Research Foundation www.jdrf.org

• American Association of Diabetes Educators www.aadenet.org

• American Association of Clinical Endocrinologists www.aace.com

• Endocrine Society www.endocrine.org/topics/diabetes

• National Diabetes Information Clearinghouse www.diabetes.niddk.nih.gov

Hindi ibinibigay ng pahinang ito ang lahat ng impormasyon na kailangan mo para alagaan ang iyong anak na may diabetes. Magtanong sa tagapangalaga ng kalusugan ng iyong anak para sa karagdagang impormasyon.